En Ascel somos especialistas en deseñar, fabricar e instalar ascensores á medida en Galicia.

Moitos edificios residenciais ou vivendas unifamiliares non dispoñen de elevador, o que dificulta a vida dos seus inquilinos e réstalle valor ao inmoble. Coa tecnoloxía de Ascel é posible reverter estas situacións, mesmo cando existe un espazo reducido para o ascensor.

Coas solucións á medida de Ascel, ter un elevador cómodo e moderno que revalorice a vivenda está ao alcance de calquera propietario ou comunidade de veciños.

Que instalamos?

  • Ascensores á medida para ocos pequenos.
  • Ascensores á medida para ocos irregulares.
  • Ascensores á medida para ocos especiais.

Ascel, ascensores á medida en Galicia

En Ascel desenvolvemos un sistema de xestión que permite proxectar e fabricar elevadores pensados especificamente para adaptarse aos espazos máis difíciles e complicados: ocos irregulares, foso e fuxida reducidos, sen cuarto de máquinas…

Buscamos, mediante a fabricación de ascensores á medida en Galicia, a perfecta integración dos nosos aparellos elevadores tanto interiores como exteriores, optimizando ao máximo o espazo dispoñible, logrando as máximas dimensións de cabina e combinando á perfección estética, tecnoloxía, confort e seguridade.

Proxectos chave en man

Como especialistas no deseño de elevadores para espazos reducidos, ofrecemos solucións chave en man, xa que nalgunhas intervencións hai que combinar a instalación coa obra civil.

Atención personalizada e asesoramento profesional

O noso equipo técnico encargarase de estudar en detalle o proxecto co fin de ofrecer as mellores solucións e alternativas.

Servizo de mantemento preventivo e reparación de avarías

En Ascel, Ascensores de Galicia, tamén contamos cun plan de mantemento preventivo completamente axustado ás necesidades do ascensor, que garante o seu bo funcionamento. Do mesmo xeito, temos unha asistencia técnica dispoñible as 24 horas do día para a reparación inmediata de avarías.

Ampla gama de produtos

Ascensores pneumáticos, hidráulicos, eléctricos con e sen cuarto de máquinas… posuímos un extenso catálogo de elevadores e adaptámonos ás características e peculiaridades de cada edificio.

Instalación de ascensores para edificios sen oco nas escaleiras

Sexa cal sexa a situación do inmoble, sempre hai unha solución eficaz, mesmo cando o inmoble non posúe espazo nas escaleiras.

Nestes casos, pódense levar a cabo diversas alternativas, como a instalación dun aparello elevador exterior integrado coa fachada do edificio, o que supón un impacto mínimo no edificio ao utilizar estruturas autoportantes adaptables á arquitectura de cada inmoble. E todo iso cumprindo as normativas vixentes.

Ascensores á medida en Galicia ao mellor prezo

Goza da máxima calidade a un prezo competitivo, beneficiándote das mesmas características avanzadas de calquera outro elevador: eficiencia enerxética, seguridade, regulación e mantemento sinxelo, ecoloxía…

Queres máis información? Contacta connosco. Estudaremos as túas necesidades e ofrecerémosche unha solución e un orzamento sen compromiso.